.
صفحه اصلي آرشيو جستجو پيوند ها تماس با ما
 

۲ اسفند "روز جهانی زبان مادری" / مازرونه وَچوئی مازندرونِ یاد نَکِن



نَمبه فارسی نَخِشه تِه شِه زِبون رِه یاد نکن

مازرونه وَچوئی مازندرونِ یاد نَکِن

هر کِجه دَری دووش٬خدا تِه پِشتی گِر بوشه خَله بالا که شونی٬شِه کاتی ر  یاد نَکِن

اون قدیما گوتنه زن وَرنی٬زن مارِ هارِش گِل برار وچوئی٬مشتی گلونِ یاد نَکِن

هرکی کار داشته تِره مردِ واری جواب هاده گَته مردی که بَیی خورده وچون یاد نَکِن

تِره نَمبه که دیگه شیرنی دانمارکی نَخِرنوش جان بوه تره٬تَندیرِ نون یاد نکن

تَش و تَندیر و هیمه مردم نون ره پَتِنه اگه فِر دارنی اِسا هیمه کَرون ره یاد نکن

تِه ۲تا جیف اگه مَشته خانی چک پول بییری بانک سرمایه شونی اَتا قِرون یاد نکن

تِه که هر سال شونی مکه٬خِرو خِش حاجی وونی اتا وشنا ره بَدی بی آب و نونِ یاد نکن

خانی لَس لَس هِنیشی گپ بزنی شهر دِله برج میلادِ بدی٬شِه دم زنونِ یاد نکن

تِه اگر چاشت گِدِر٬شوم گِدِر خِرنی پِلاشه پَلی شوپه گِرو بینج کرون یاد نکن

اگه اینترنت پِشتی همه جا پیغوم دِنی تلفن هِندلی و نامه رسون یاد نکن

اتا گِل خانی بوری یلاق او ره بخری بوردی مه جان مازرون یاد نکن

ته فریزر اگه مشته٬خانی کیوی بخری اتا مردی که بیه ته باغبونِ یاد نکن

گنه اکسیرِ محبت٬همه جا پیدا نَنها ُنس و اُلفت که دَره اَمه میونِ یاد نکن

اتا آدم که تِوِسه شعر مادری گِنه مرسی مرسی باووتی٬خِنابدونِ یاد نکن


ایمیل مستقیم :‌ info@shomalnews.com
شماره پیامک : 5000592323
 
working();

ارسال نظر :
پاسخ به :





نام : پست الکترونیک :
 
working();


« صفحه اصلي | درباره ما | آرشيو | جستجو | پيوند ها | تماس با ما »
هرگونه نقل و نشر مطالب با ذكر نام شمال نيوز آزاد مي باشد

سامانه آموزش آنلاین ویندی